الشاعرة ناندي بت هندسة

بيض قلبك وصفي النيه خلي الواقع يكون قدامك
عيش الدنيا وحاسب نفسك اوعى تسافر مع أحلامك
الإنسان مخلوق بالفطرة ابقى مسامح وانسى خصامك
اصلو الدنيا هموما'كتيره بالإحسان بس عيش أيامك
ياما بتلقى مصايب تخلع وبرضو تشوفا'كمان قدامك
عادي صديقك ممكن يخونك يكشف سرك ويفشي'كلامك
حتى الذول الفاكرو بريدك ممكن يبيعك'وينسى'غرامك
وياها'الدنيا'ونحن ضيوفا'
فيها الخاين وفيها الصالح
فيها الجد بهواك وبعزك"وفيها
الجايي'وقصدو مصالح'وفيها الذول'البخلف وعدو وديمه بكذب وعامل فالح
ولو باريت ناس قالو وقلنا بتخسر'انت عدوك هو الرابح'
خاوي الذول الجد بستاهل'صفي ضميرك واخد حذرك"
اصلو الناس اصنافا'كتيره'فيها'البقدر يضحي عشانك'وفيها الديمه يطعن في ضهرك'
كون متوقع'اقرب حاجه و ماتستغرب لو خانك مره صديقك وقدرك'
اوعا'تقاسي عشان محبوبك تبكي عشانو تساهر الليل
البخلص ليك افديهو بروحك والفكر يخونك انساهو عديل
ولاتتحسر شان الريده وخلي قليبك ديمه دليل'وياما في ناس من قبلك عشقو ولسه قليبهم باقي عليل واصلو الريد لو كان هو مكاسب كان كسبوهو"ناس قيس وجميل
ناندي بت هندسه

يا مخلوق من طين احزانك
وحالف تحرق قلبي الرادك وديمه تذيد في حطب نيرانك
مع أنك عاااااااااااااااارف اني بريدك وحتي الدم وصيتو يزورك يضخ جواي ويرجع ليك ويسكن شريانك
'وعاااااااااارفبرضو الحن الفيني وياما كتير عشتا في حرمانك وسبتا الدنيا وكل الفيها وجيت وسكنتا معاك أوطانك عانيييت وصبرتا وياما سهرتا وكلوووووو عشانك ياخ ماتحن محتااااااجه حنانك
ناندي بت هندسه

على أمل الفرح جينا
عشان الكل يكون شاهد
حياتنا'بتحكي انجازنا'
عشانا'هي نحن بنجاهد
ومهما الدنيا ظلمتنا وقصدت
برضو هي تعاند
نتحداها بالاصرار عشان ما نكون نفر واحد
ناندي بت هندسة