الشاعر آدم بلكوف

.....منو اليصدق.....
منو اليصدق من تانى
وهم حبك والامانى
زيف كلامك وابتساماتك
سواد عينيك السبانى
خرافة وعودك المستحيلة
سراب عطفك الشقانى
كنت قايلك خاتم مناى
حبيب مستف بالمعانى
صادق زى عفو البراءة
رقيق زى نفس الاغانى
عشتك بى روح المشاعر
قدتا ليك كل التفانى
لا راعى لى حبى حرمة
لا تعذيبو كان انسانى
انت امير حسى وقلبى
وانا جريح عشقى وزمانى
انت هانى فى دلالك
وروحى بالاوجاع تعانى
مجبور لاحتمال قساك
مافى غير الوك حرمانى