الشاعر النوراني عبدالغني التهامي

كنت،،بتأثر لأمن تنزل دمعه عينك
دمعة عينك،،تقطع قلبي وقلبي مقطع بين ايدينك
بايدينك،، امسكي قلبي واقطعي قلبي بسكينك
بسكينك،،شققي قلبي وشوفي مكانك جوه بعينك
شأن تتأكدي إني بريدك وبسعد لأمن أشوف عينيك
النور عبدالغني التهامي
"من نص دار نتلاقى"
2/10/2015

شلاع البروق الشعه من بسماته
العلم والذكى والانتباه حقاته
الفي الامتحان م ناقصه تلت تلاته
نور شمس الشروق كان من لميع وجناته
*
الجود والكرم لاشك شبيه ابواته
العف والنزار ورثتو من اماته
الخلت عذابي يهيج علي واتواته
لابسه العفه توب من رأسه لنعلاته

النوراني عبدالغني التهامي

ممكن اسيب الفات داك كلو وممكن ارجع ليك من تاني
لكن ما بديك ذي اول بخصم من الشوق وحناني
انا كنت زمان بتهان واتذله بس شأن شخصك م تتهاني لمن اشوفك باسمه وضاحكه كنت بحس بالاطمىناني
اقول الدنيا اكيد بخيره واصلو الخير م طلا زماني
من فارقتك خير م شفته حتي كمان م ضقطه معاني
كان الهم دايماً حابسني وم فارقته الوجعه ثواني
كنت بحسك دايماً جمبي وحتى الشوق شقين شقاني
وكنت بدسك جوه عيوني شأن م تشوفك عين شراني
وكنت بريدك...اسي بريدك...بكره بريدك ي دمي البدخل شرياني
أصلا حافظك عنوان قصة قصه ملانه كلام بمعاني
ولامن جيتي دخلتي الساحه
دقات قلبي هدت براحه
قالت لي النور بصراحة
من تاجوج م زايده سماحه
النور عبدالغني التهامي. ..

اشتقته ليكم يااااخ شديد
احبابي في حضن الوطن
عيدكم مبارك وعيد سعيد
م اخترته إني أكون شقي
ومن البلاد أصبح بعيد
إلا الزمن قاسي وعنيد
صدقني ي وطني السمح
منذ أن رحلت م قضت عيد
لاضقته إحساس بالفرح
لاشفت يوم ابيض سعيد
القمري من الدار رحل
م خته بيضه على الجريد
لاغنى أزيل مني الحزن
لافات لي لزولي الفريد
كي يحكي ليهو البي حصل
أصل السفر وداي بعيد
احكيلو إني بحبو موت
واوريهو غيرو انا م بريد
اوريني بي اخبارو كيف
إنشاء الله كل ايامو عيد
النور عبدالغني التهامي
اهداء إلى كل الأحباب في السودان

شيليني من رأسك خلاص
أنا وأنتي م بننفع سوا
كيفن تقولي بحب علي
وأنا قلبي غيرك م هوا
كيفن تقولي بزلني
وأنا قلبي بالذل م نوا
أنا كنت ذي بعض النبات
بشوفتك إنتي بكون روا
جد كنت مرضان بيك شديد
ريقك بكون لي الدوا
بس إنتي قايداك الظنون
خلينا م نفضل سوا
النورعبدالغني التهامي